"Алтын түлек" математикалық олимпиадасы

2025 жылдың 5 сәуірінде Көкшетау қаласында Абай Мырзахметов атындағы Көкшетау университетінде 10-11 сынып оқушыларына арналған "Алтын түлек" VI республикалық математикалық олимпиадасы өтті.
Олимпиаданы ұйымдастырушылар: Ақмола облысы білім басқармасының "Дарын" республикалық ғылыми-практикалық орталығы, "Зерделі" ақыл-ой дамыту мектебі және "Ақмола дарыны" дарынды жастарды анықтау және қолдау орталығы.
Олимпиаданың негізгі мақсаттары мен міндеттері - математикадан дарынды балаларды анықтау, жалпы білім беретін мектеп оқушыларын қолдау, жоғары сынып оқушыларын ғылымға баулу, педагогикалық, инженерлік-техникалық мамандықтарға қызығушылықты ояту, математикалық ұғымдарды талдау, сыни ойлау және күрделі есептерді шешу дағдыларын дамыту.
Олимпиада мемлекеттік тілде оффлайн форматта өткізілді.
Олимпиада қорытындысы бойынша 11 "Ә" сынып оқушысы Қозыбек Әділді 3 жүлделі орын иеленуімен құттықтаймыз (мұғалімі М.Е. Батырова).
Олимпиада жүлдегерін шын жүректен құттықтаймыз және жаңа жетістіктер тілейміз!!!